Tontolo andro nahafahana nifampizara fahalalana maro sy nifanakalozana ny alarobia 19 aprily lasa teo nihaonan’ireo mpikambana maro ao amin’ny fikambanam-behivavy tantsaha FARM sy ny solontenan’ny mpiara-miombon’antoka CCFD-Terre Solidaire roa mirahavavy. Noresahina mandritra izany ny olana sedrain’ny vehivavy tantsaha eo amin’ny fiainany andavanandro toy ny fananan-tany, ny fahazahoana rano sy ny masomboly. Na eo aza anefa izany rehetra izany dia tsy ambaka ihany koa ny fitsidihana ny zava-bitan’izy ireo hatrizay toy ny vitrine agroecologique & biologique manasongadina ny fambolena mifototra amin’ny fanajana ny tontolo iainana.
